പാതി തുറന്നൊരു പടിവാതിലിൽ അന്ന്
പൂനിലാ-പെയ്തതിന്നോർക്കുന്നു ഞാൻ
ഇരുൾ വീണൊരാത്മാവു കേഴുന്നു , ചൊല്ലു
അതു നിന്റെ പുഞ്ചിരിയായിരുന്നോ ?
അതു നിന്റെ പുഞ്ചിരിയായിരുന്നോ ?
മരുഭൂമിയായോരെൻ മനതാരിലന്നൊരു
മഴയുടെ സംഗീതം കേട്ടിരുന്നു
മൗനമായെങ്കിലും ചൊല്ലു , എൻ കണ്ണാ
അതു നിന്റെ കുഴൽവിളിയായിരുന്നോ ?
അതു നിന്റെ കുഴൽവിളിയായിരുന്നോ ?
ഈറനണിഞ്ഞ എന്മിഴികളിലന്നൊരു
കുളിർകാറ്റു വീശിയതോര്തിടുന്നു ..
കണ്ണീരണിയില്ല, വാക്കു നല്കാം, ചൊല്ലു
അതു നിന്റെ കുളിർസ്പർശമായിരുന്നോ ?
അതു നിന്റെ കുളിർസ്പർശമായിരുന്നോ ?
No comments:
Post a Comment