നിൻ മൗനമാണെൻ നൊമ്പരം

നിന്നിടനെഞ്ചിലെരിയും കനലായി
നീയെന്നെ നീറ്റുമ്പോഴും,
ഇനിയെരിയാൻ വയ്യാക്കനവായി
വിധിയെന്നെ മാറ്റുമ്പോഴും,

നിൻ മൗനമാണെൻ നൊമ്പരം ...!

നിൻ മിഴിനീരിലലിയും നിനവായി
എൻ പ്രണയമുതിരുമ്പോഴും,
അതിലൊരു നീർകണമായി ഞാൻ
നിൻ മടിയിലടിയുമ്പോഴും,

നിൻ മൗനമാണെൻ നൊമ്പരം ...!

നിന്റെ പേക്കിനാവിൻ കൂരിരുട്ടിൽ
ഞാനിന്നലയുമ്പോഴും,
നിന്നിരവിലൊരു കൂട്ടാകാൻ ഞാനീ-
യിരുൾ കൂട്ടിലടയുമ്പോഴും,

നിൻ മൗനമാണെൻ നൊമ്പരം ...! സഖീ ..
നിൻ മൗനമാണെൻ നൊമ്പരം ...!

http://mazhayummanasavum.blogspot.in